Kjo ndodh vetëm në Shqipëri / 38-vjeçari ekzekutohet teksa hapte një varr në Sharrë

Një person është vrarë me armë zjarri pasditen e sotme në Sharrë në kryeqytet, teksa ishte duke hapur një gropë varri në varrezat e kësaj zone.

Viktima është identifikuar si Altin Çullhaj, 38 vjeç, ndërsa autori i vrasjes është Eriglend Tafa, 25 vjeç, i cili është larguar menjëherë nga vendi i ngjarjes.

38-vjeçari është dërguar në Spitalin e Traumës, por ka ndërruar jetë sapo ka mbërritur atje për shkak të plagëve të marra.

Forcat e policisë kanë mbërritur në vendngjarje dhe kanë nisur hetimet për zbardhjen e plotës së krimit.

Çullhaj ishte punonjës i varrezave të Sharrës dhe para se të konfliktohej me shtetasin Tafa, ka qenë duke hapur një varr.

25- vjeçari i ka kërkuar llogari Çullhajt se pse po e zgjeronte aq shumë varrin, ndërsa më pas kanë debatuar me njëri-tjetrin. Në debat e sipër i riu ka marrë armën dhe ka qëlluar mbi punonjësin e varrezave.

Autori, i cili jeton në lagjen pranë varrezave, është shpallur në kërkim.

/Shekulli Online/E.G.

epo kut nuk eshte nje shprehje shqipetare I BERE VARRIN VETES