Erza Haliti nga Mitrovica, Miss Idaho 2011

Erza Haliti sivjet ka pasur fat në botën e spektakleve të bukurisë dhe ka fituar titullin “Miss Idaho 2011”.Ajo është një 20 vjeçare nga Mitrovica, ndërsa jeton me familje në Idaho, në SHBA, ku studion biologjinë si bazë për studime të mëtutjeshme në medicinë.Nuk kam besuar se do të zgjidhem unë, sepse ka pasur me të vërtetë vajza shumë të bukura. Por, ja ata më zgjodhën mua, e zgjodhën një shqiptare nga Kosova. Natyrisht se kam ëndërruar që të fitoj, por nuk kam besuar”, ka thënë Erza në një intervistë për Zërin.Jam duke u përgatitur për Miss Amerika në qershor, ku unë patjetër do të marrë pjesë, mandej vjen Miss Universi dhe në fund Miss Bota. Do të mundohem të shkojë deri në fund”, ka shtuar ajo.Erza tashti ka shumë oferta për prezantime të produkteve të ndryshme në sektorin e modës, kozmetikës, etj. Ajo momentalisht punon në një shkollë ku u jep fëmijëve matematikë 3 herë në javë; vrapon rregullisht; mundohet të gjejë kohë për lexim dhe t’i vazhdojë studimet.