Pse ujqërit e Amerikës janë të zinj?

Një grup ndërkombëtar biologësh dhe genetistësh, nga Universitetet e Stanfordit, Kalifornisë, Kanadasë dhe Italisë arritën t’i pergjigjen pyetjes se pse ujqerit e Amerikes jane te zinj, ndersa te Europes jane te bardhe dhe gri.

Konkluzioni në të cilin arritën ishte se ujqërit e egër (gri) zhvilluan lidhje gjaku me qentë e zinj. Shkencëtarët përdorën teknika genetike molekulare për të analizuar ADN-në e 150 ujqërve, dhe zbuluan se një gen i ndryshuar qeni u transmetua tek ujqërit nëpërmjet çiftëzimit. Pa pasur një kronologji konkrete në lidhje me këtë transmetim genetik. Biologët supozojnë se mund të ketë ndodhur para ardhjes së Europianëve në Amerikë, nga qentë që u përkisnin Indianëve. Është hera e parë që konfirmohet një mutacion geni që filloi nga qeni, dhe u transmetua në një lloj të egër madje duke arritur që të dominoj. Deri sot mendohej se genet që progresohen në kafshët e sotme nuk mund të dominojnë pas transmetimit të tyre, pasi mjedisi natyral i një kafshe të egër e pengon procesin në fjalë.