Vlorë, plagoset 25-vjeçari, u qëllua me armë në mes të rrugës

VLORE - Një 25 vjeçar është plagosur sot në mbrëmje me armë zjarri në qytetin e Vlorës. Policia njoftoi se shtetasi Geri Mataj, 25 vjeç, është qëlluar me armë nga autori i dyshuar i ngjarjes, Erjon Capaj.
Shkaku i zënkës ishte vendosja e tabelave reklamuese të bizneseve të tyre të cilat ndodhen përgjatë bulevardin kryesor Vlorë-Skelë, në afërsi të vendit të quajtur Orizi.
Sipas policisë, shtetasi Erjon Capaj qëlloi me armë në drejtim të 25-vjeçarit në mes të rrugës duke i shkaktuar atij plagosjen por duke vënë në rrezik edhe jetën e personave të tjerë.
Plumbat kanë prekur 25-vjeçarin në këmbë dhe për pasojë ai ka marrë plagosje për çka është dërguar në spital ku ndodhet jashtë rrezikut për jetën. Bazuar në numrin e gëzhojave në vendin e ngjarjes, policia tha se aty është qëlluar katër herë me armë.