Durrës, anëtari i Shtabit të PD plagos me thikë “kolegun” e PS

DURRES – Lajmifundit – Një ngjarje e rëndë ka ndodhur në orët e mëngjesit sot në qytetin e Durrës me protagonistë dy anëtarë të shtabeve elektorale të PD dhe PS.

Policia informon se shtetasi Ervin Muça, anëtar i Shtabit Elektoral të Partisë Socialiste është plagosur me thikë pas një konflikti që ka pasur me shtetasin Ergest Ferhati.

Ky i fundit mësohet se është anëtar i Shtabit Elektoral të Partisë Demokratike në Durrës. Sherri mes dy protagonistëve të ngjarjes, ka ndodhur gjatë orëve të natës ndërsa policia thotë se nuk ka të dhëna që flasin mirëfilli për një ngjarje me shkaqe politike.

Sipas hetimeve të fundit të policisë shkak i plagosjes ka qenë një konflikt i momentit mes dy personave.