Më mirë divorc sesa jetesë të palumtur

Sat 7 May 2011 - 14:06

Aktorja Olivia Wilde është në fund të procesit të divorcit me Tao Ruspolin, me të cilin ka qenë tetë vjet në martesë.

Aktorja dhe regjisori ishin martuar kur ajo ishte vetëm 19-vjeçe,
ndërsa Olivia thotë se vetëm tani i ka kuptuar disa nga këshillat që i
kishte marrë atëherë rreth martesës në moshë të re.

“Më kanë thënë se jam tepër e re dhe është dashur që ta kuptoja këtë.
Kam mësuar se në lidhje është shumë e rëndësishme të jesh e vetëdijshme
për vetveten, në vend që të definojë partneri juaj”, thotë Olivia.

Aktorja nuk është në depresion për shkak të divorcit të saj dhe nuk e konsideron një tragjedi.

“Një shenjë e rëndësishme e lidhjes së mirë, është që partneri juaj
vazhdimisht t’ju inspirojë. Unë e kam pasur këtë me Taon. Ajo lidhje ka
marrë fund, por nuk e konsideroj një tragjedi. Po të kisha qëndruar në
një lidhje që nuk bën, kjo do të ishte tragjedi. Të jetosh e palumtur
është tragjedi”, thotë Olivia, e cila shton se është e hapur ndaj idesë
që të lidhet sërish me dikë, por këtë herë do të ketë kujdes.