Librazhd-Prrenjas, përplasen makinat, plagosen pesë persona

LIBRAZHD - Pesë persona u plagosën sot si pasojë e një aksidenti të ndodhur në aksin rrugor Librazhd- Përrenjas.
Policia tha se ngjarja ka ndodhur pranë fshatit Xhyrë. Në këtë lokalitet, dy makina, njëra me targë TR 240 dhe tjetra me targë La 0033 B, u përplasën mes tyre duke lënë të plagosur shtetasit Bujar dhe Mimoza Agalliu nga Korça, Besnik Begu nga Mamurrasi ndërsa nuk bëhet ende i ditur identiteti i dy të plagosurve të tjerë.
Policia që shkoi menjëherë në vendin e ngjarjes, ka dërguar menjëherë drejt spitalit Ushtarak në Tiranë të plagosurit.
Njoftohet se dy prej tyre kanë marrë plagë të lehta dhe pasi kanë marrë ndihmën mjekësore në spitalin e Librazhdit kanë dalë nga spitali.