Librazhd, arrestohen 5 prodhues bombash artizanale

LIBRAZHD – Lajmifundit - Pesë persona janë arrestuar sot nga Policia e Librazhdit me akuzën se merreshin me prodhimin e lëndëve plasëse.
Arrestimi i 5 të rinjve ka ndodhur në fshatin Qerret të komunës Labinot Mal. Policia informon se të dyshuarit u kapën në flagrancë me një sasi nitrat amoni dhe lëndë djegëse, të cilat shërbejnë për prodhimin e lëndeve plasëse në kushte artizanale.
Agron Kaca, Dritan Kaçiku, Alban Kontreli, Aurel Balliu dhe Arjan Biba, të moshës 21 deri në 26- vjec, të gjithë banues në fshatin Zdrajsh të komunës Orenje në Librazhd janë të arrestuarit.
Sipas policisë, ata akuzohen se kanë vepruar në formën e grupit kriminal.