Tiranë, gjendet i vdekur në makinën e djegur 35-vjeçari

TIRANE – Lajmifundit – Një person është gjetur i vdekur sot pas mesnatë në automjetin e tij në periferi të Tiranës. Ngjarja ka ndodhur në zonën e Baldushkut.
Sipas policisë, shtetasi Edmond Dibra, 35 vjeç është gjetur i vdekur në makinën e tij që është shkrumbuar nga zjarri. Automjeti ku u gjet viktima ishte me targa të Tiranës, 40 71 F.
Ngjarja është ende e paqartë ndërkohë që policia ka nisur hetimet në lidhje me krimin. Në vendin e ngjarjes ekspertët kanë marrë mostrat e nevojshme për të mësuar nëse bëhet fjalë për një zjarrvënie të qëllimshme apo për një djegie aksidentale.