Hyri natën në banesë e përdhunoi një femër, ekstradohet autori nga Roma

Tirane – Lajmifundit – Zyra kombëtare e Interpol Tirana njoftoi sot se ka ekstraduar rreth orës 12.00 nga Roma, Itali, drejt vendit tonë, shtetasin shqiptar Sokol Jashar YMERI, 37 vjeç, lindur në Lushnjë.
Personi i ekstraduar, sipas policisë, është gjykuar e dënuar nga Gjykata e Rrethit Gjyqësor Lushnjë. Kjo gjykatë me vendimin nr. 120, datë 01.10.2003, e ka dënuar shtetasin e mësipërm me 6 vjet burg, për kryerjen e veprës penale te “Marrëdhënies seksuale me dhunë në bashkëpunim, e mbetur në tentativë“, parashikuar nga nenet 102/2 dhe 22, të Kodit Penal.
Sipas akt-akuzës, shtetasi Sokol YMERI në bashkëpunim me një tjetër shtetas, më datë 07.10.2002, në Lushnjë , rreth orës 02.00 të natës, kanë hyrë me forcë në banesën e shtetases E. S. dhe kanë tentuar të kryejnë marrëdhënie seksuale me dhunë me këtë shtetase.
Si rezultat i bashkëpunimit të Interpol Tirana me Interpol Romën, në datën 01.10.2010, u bë i mundur arrestimi me qëllim ekstradimi drejt vendit tonë, i shtetasit Sokol YMERI.
Në aeroportin “Nënë Tereza” në Rinas ky shtetas i është dorëzuar përfaqësuesve të Drejtorisë së Përgjithshme të Burgjeve.

turp per at njeri

perdhunimi do varje ,,vdekje direkt