Barcelona fiton titullin e Champions League

Pedro Rodriguez, Lionel Messi e David Villa ishin protagonistët e golave dhe të fitores së madhe të Barcelonës në “Wembly” të Londrës me rezultat 3:1. Aktualisht ne stadiumin gjigand ku u luajt ndeshja, Barcelona po merr ne dorëzim Kupen e Liges se Kampioneve.
Katalanasit shënuan fitore me rezultat 3:1 ndaj Manchester United-it, në finalen e Champions League, e cila është zhvilluar në stadiumin “Wembly” të Londrës. Barcelona ka mbizotëruar me lojë nga minuta e parë e deri në fund të takimit.
Barca ka pasur më shumë zotërim e qarkullim te topit, por edhe raste shënimi. Te dyja skuadrat treguan angazhim e lojë të mirë e veçmas katalunasit në krye me Lionel Messin e pandalshëm, Xavi dinak, David Villa luftarak dhe bashkëlojtarë të tjerë, ndërsa “Djajtë e kuq” vazhdimisht u përpoqën që të bëjnë me shumë, por ka qenë e pamundur të thyhet mbrojtja e fuqishme e Barcelonës.
Katalanasit brenda tri vjetëve dy herë mposhtën Manchester United-in, pasi këtë gjë e ka bërë edhe në vitin 2009 në Romë kur fitoi me rezultat 2:0, ndërsa edhe të shtunën mbrëma fituan me rezultat 3:1. Trajneri i katalunasve, Pep Guardiola, me strategjinë e tij është treguar shumë më i sukseshëm se sa Sir Alex Ferguson.