Akuzohen për vjedhje në Korçë, dy në pranga e dy në kërkim

KORÇË—Lajmifundit—Aksioni i koduar “Rikthimi” ka arritur të vërë nën prangat e policisë dy persona dhe ka shpallur në kërkim dy të tjerë. Të arrestuar sipas të dhënave të policisë janë Gentjan Satellari 18 vjeç banues në lagjen nr.7 të qytetit të Korçës dhe Mariglen Tare 18 vjeç banues në lagjen nr 6 të qytetit te Korçës, i dënuar me parë për vjedhje të kryer në bashkëpunim. Janë shpallur në kërkim shtetasit Saimir.Ll 19 vjeç banues ne Korçë, i dënuar më parë për veprën penale të vjedhjes të kryer në bashkëpunim dhe Klaudjo.J 17 vjeç banues ne Korçë. Policia tha të arrestuarit në bashkëpunim me njeri tjetrin për një periudhe kohe në muajt Prill–Qershor 2011 kanë kryer një sere vjedhjesh lokalesh, bar llotosport kryesisht televizore plazma , dhe biznese të tjera.