Aksident ne Shkoder plagoset 70-vjecari me biciklete

Një aksident me pasoja të rënda ka ndodhur në dalje të qytetit të Shkodrës pranë harkut të Bërdicës. Një 70-vjeçar që po lëvizte me biçikletë është përplasur nga një triçikël.

Si pasojë e goditjes 70-vjeçari ka marrë plagë në kokë dhe ndodhet në spitalin e qytetit në gjendje të rëndë. I lënduari është Bosir Dermani mjek i njohur i qytetit të Shkodrës.

Ndërkohë, drejtuesi i triçiklit është shoqëruar në komisariat dhe pas ekspertizës në vendin e ngjarjes rezulton se 70-vjeçari ka prerë rrugën në mënyrë të pakujdesshme, ndërsa drejtuesi i triçiklit po lëvizte me një shpejtësi mbi normën e lejuar dhe nuk ka arritur të shmangë përplasjen.