Shoferi s`jep përparësinë, 3 të plagosur nga kamioni në Korçë-Pogradec

Tre persona, mes të cilëve edhe një fëmijë, mbetën të plagosur sot si pasojë e një aksidenti të ndodhur në rrugën Korçë-Pogradec.
Makina me të cilën po urdhëronin të dëmtuarit sipas policisë është përplasur me një kamion pranë kryqëzimit të Maliqit.
Tre të plagosurit, identiteti i të cilëve nuk është bërë i ditur kishin ndaluar me makinën e tyre në një karburant dhe teksa makina po dilte nga pika e karburantit për të hyrë në rrugë kryesore është përplasur nga një kamion i cili po udhëtonte me shpejtësi.
Menjëherë të plagosurit janë dërguar urgjentisht në spitalin e Korçës ku po marrin ndihmën mjekësore, ndërkohë që policia ka nisur hetimet për zbardhjen e plotë të aksidentit.
Sipas të dhënave të deritashme drejtuesi i makinës ka gabuar pasi ka qenë duke hyrë në rrugë kryesore nga rruga dytësore por nuk i ka dhënë përparësi kamionit që ecte në vijë të drejtë në rrugën interurbane.