Mbytet në det 40-vjeçari nga Preza

Shënohet rasti i dytë i mbytjes në det brenda 3 ditësh në Gjirin e Lalëzit. Hysen Korriku, 40 vjeç, nga Preza, është mbytur sot rreth orës 12:45. Trupi i tij u dërgua në morgun e spitalit të Durrësit, ndërsa shkaku i vdekjes nuk është akoma i qartë, pasi nuk dihet nëse Korriku është mbytur për shkak se nuk dinte not, apo si pasojë e një ataku kardiak gjatë kohës që po lahej në ujërat e Adriatikut.