Mallakastër, bie në gropë duke luajtur me shokët, vdes 15-vjeçari

Duke luajtur me shokët një 15-vjeçar gjeti vdekjen sot në Mallakastër pasi ka rënë në një gropë inertesh pa mundur të dalë prej andej.
Gropa e inerteve ishte hapur ne bregun e lumit Vjose dhe vazhdonte me pas ne shtratin e lumit ku tabani ishte thelluar nga germimet.
Ngjarja ka ndodhur ditën e sotme në orën 12.45, një i ri është mbytur në lumin Vjosë në vendin e quajtur Fushë-Hekal të rrethit Mallakastër.
Policia informoi se 15- vjeçari me inicialet K.M ka humbur jetën për shkak se është mbytur në një gropë të thelle rreth 4-5 metra të krijuar për marrjen e inerteve.
Mësohet se djali po luante në vendin e ngjarjes me miqtë e tij. Në vendngjarje ka shkuar grupi hetimor dhe specialistë të Hetimit dhe Parandalimit të Krimit të Komisariatit të Policisë Fier, pritet zbardhja e ngjarjes. (Lajmifundit)