Argjentina Ramosaj pëlqen ngjyrat e ndezura

Sat 16 Jul 2011 - 14:24

Argjentina Ramosaj, gjatë një interviste të dhënë për mediat shqiptare, ka folur për modën dhe ngjyrat që ajo preferon.Këngëtarja ka treguar se është simpatizuese e madhe e aksesorëve, ndërsa i kushton shumë rëndësi çantave dhe këpucëve.“Ngjyrat e ndezura janë shumë në mode këtë verë dhe më pëlqejnë shumë. Mirëpo në dollapin tim ka shumë ngjyra kafe, jeshile dhe blu “, ka thënë ajo.Nga disenjatorët e preferuar veçon Gucci, Alexander McQueen dhe Balenciaga, por edhe firmat më modeste siç janë Gizia, Karen Millen dhe Zara.E kur bëhet fjalë për aksesorët, Argjentina është shprehur me shumë admirim për to pasi, sipas saj, ato janë një prej gjërave më sensuale dhe domethënëse për secilën femër bashkëkohore.“Aksesorët i preferoj shumë dhe një nga aksesorët që i përdor më shumë dhe nuk bëj dot pa to janë syzet e diellit. Ndërsa i kushtoj rëndësi dy elementeve që e bëjnë një femër të ndihet më seksi shpirtërisht, çanta dhe këpucët. Kam aq shumë këpucë dhe çanta sa që zënë një hapësirë goxha të madhe në dollapin tim. Kam po thuajse çdo ngjyrë dhe dizajn, janë thjesht gjëra të cilat përdoren çdo ditë”, ka përfunduar këngëtarja.