Eskili (525 - 455 p.e.r)

Fri 12 Feb 2010 - 13:08

Eskili ishte poeti më i madh tragjik i Greqisë së lashtë. Eskili (525 - 455 p.e.r) Aeschylus

Ishte arkitekt, regjisor dhe muzikant. Nga veprat e tij 67 humbën, ndërsa vetëm 7 arritën të shpëtojnë. Krahas talentit sigrafik, Eskili u dallua dhe për aftësitë luftarake që zotëronte kryesisht në zonën e Maratonës dhe Salaminës. U vlerësua me 13 çmime të para për veprat e tija, ndërkohë që çmimet e dyta dhe të treta ishin të panumërta. Tragjedia e lashtë Greke u progresua shumë me ndihmën e Eskilit. Eskili përveç të tjerash dallohej dhe për cilësinë e lartë e të pakrahasueshme të veprave të tij, ishte poeti i cili kërkonte gjithnjë e më shumë nga vetëvetja dhe nuk mjaftohej me shkrime mediokre, përkundrazi ato ishin jashtë linjës së tij tragjiko-sigrafike. Stili i tij ishte unik dhe dominohej nga madhështia absolute, thellësia e prototipisë dhe fantazia e fortë. Në moshën 70 vjeçare poeti i madh i madh vdiq si rezultat i një incidenti, thuhet se një breshkë i ra mbi kokë dhe e vrau, mbetet ende një informacion i pakonfirmuar. U varros në Siçili, pra në vendin ku vdiq, si shenjë nderimi mbi varrin e tij u ngrit një monument nga Siçilianët Grekë, mbi të cilin skalitën epigrama të shkruara nga vetë Eskili, i cili deri diku e kishte parandjerë fundin e tij…