Vapa nxit krimin

Mon 29 Aug 2011 - 14:46

Temperaturat e larta ndikojnë direkt në psikologjinë e secilit prej nesh, por edhe në rritjen e agresivitetit.Vapa dhe temperaturat e larta, kanë cuar në një rritje të numrit të krimeve, por edhe të rasteve të dhunës edhe në Shqipëri.Psikologjia Denada Toci, shpjegon së rritja e lartë e temperaturave, por edhe ulja e tyre, con në rritjen e stresit, dhe në shfaqjen e sjelljeve agresive që demostrohen ndryshe nga persona me formim të ndryshëm intelektual dhe ekonomike.Në muajin gusht në Shqipëri janë raportuar dhjetra raste, dhune, vrasje dhe vetëvrasje. Mjekët ligjore, mendojnë se një aspekt i këtyre veprimeve lidhet edhe me temperaturën, pasi vapa sjell ndryshime në trup që lidhen me metabolizmin e deri tek shtimi i testosteronit.Kjo tezë mbështetet edhe me studime të ndryshme të kryera në disa universitete amerikane, që tregojnë se rritja e temperaturave shoqërohet me shtimin e krimeve. Por deri në një pikë, pasi kur termometri shënon 27 gradë celcius agresiviteti ulet.