Zbuloni “manine” e fundit te ministrave…

Life Style-Ne nje vezhgim qe gazeta “Shqip” beri per sa u perket shtepive te pushimit te drejtuesve te ekzekutivit shqiptar, rezulton se 11 nga 15 ministra te kabinetit aktual qeveritar disponojne vila dhe apartamente ne bregdetin shqiptar.Ministrat i kane deklaruar keto pasuri te paluajtshme ne vite te ndryshme prane Inspektoratit te Larte te Deklarimit dhe Kontrollit te Pasurive dhe duket se ato u sherbejne jo vetem per pushime te gjata, por edhe per te kaluar fundjavat larg punes dhe jetes se zhurmshme te kryeqytetit. Per kete arsye, bie ne sy fakti se plazhet e Durresit dhe te Kavajes jane zgjedhur ne menyre masive nga ministrat per te pasur “shtepine e plazhit”. Afersia e kesaj zone me Tiranen, duket se u jep ministrave komoditetin e te qenet ne zyre ne rastet kur kerkohet prania e tyre me emergjence.
Zonat
Bregdeti i Kavajes eshte i perzgjedhuri kryesor i ministrave shqiptare per te pasur shtepite e tyre te plazhit. Keshtu, ne plazhet e Komunes Qerret kryesisht kalojne fundjavat apo pushimet e veres ministrat shqiptare. Ne kete zone, ministri i Mbrojtjes, Arben Imami, disponon nje apartament me siperfaqe 66 m2 te blere me nje vlere prej 30 mije eurosh, te cilen e ka deklaruar ne vitin 2004. Po keshtu, ministri i ri i Jashtem, Edmond Panariti, ne nje nga komunat bregdetare te Kavajes ka deklaruar se disponon dy apartamente, te cilat i ka blere ne vitet 2002 dhe 2010. Listes se ministrave qe zgjedhin bregdetin e Kavajes per pushime i eshte shtuar se fundmi edhe ministri i Inovacionit dhe Teknologjise, Genc Pollo, duke blere ne vitin 2010 nje vile ne Qerret me siperfaqe 130 m2 me nje vlere prej 70 mije eurosh. Golemi, nje tjeter komune e njohur e Kavajes, eshte zgjedhur per te ndertuar nje vile nga ministri i Mjedisit, Fatmir Mediu. Po keshtu, edhe ministri i Kultures, Aldo Bumçi, deklaron se disponon nje apartament ne Golem, me nje siperfaqe prej 58 m2 dhe me nje vlere prej 1.6 milione lekesh te blere ne vitin 2004. Nje tjeter zone e preferuar se fundmi per te pasur shtepine e plazhit eshte edhe Gjiri i Lalezit ne Durres. Ministri i Bujqesise, Genc Ruli, deklaron se ne vitin 2004 ka blere nje vile ne kete zone me siperfaqe 90 m2 me nje vlere prej 6 milione lekesh. Ministri i Arsimit, Myqerem Tafaj, gjithashtu thekson se ne vitin 2009 ka blere nje vile ne Lalez me siperfaqe prej 79 m2 me nje vlere prej 35 mije eurosh. Nga ana tjeter, ministrja e Integrimit, Majlinda Bregu, ka zgjedhur Lezhen per te blere shtepine e plazhit. Ne vitin 2010, bashkeshorti i saj ka deklaruar se disponojne nje shtepi druri ne Ishull Lezhe me siperfaqe 50 m2 me nje vlere prej 2.5 milione lekesh./ikub/