Minatorët e Bulqizës në ditën 17 të grevës

Wed 10 Aug 2011 - 21:07

Minatorët e Bulqizës vazhdojnë grevën e urisë në ditën e 17-të të ngujimit në minierë. Ndërkaq familjarë, të afërm të minatorëve dhe qytetarë të Bulqizës kanë zaptuar rrugën kombëtare në zonën e Qafë Buallit.Disa qindra qytetarë mësohet të kenë dalë në mbështetje të kërkesave të minatorëve duke u ulur në mes të rrugës në shenjë proteste.Por, në përpjekje për të zhbllokuar rrugën forcat e policisë kanë hasur në këmbënguljen e qytetarëve për të mos lëshuar këtë aks të bllokuar.Policia po tenton t’i bindë qytetarët të zhbllokojnë aksin nacional, ndërsa në mbështetje të tyre kanë mbërritur edhe forcat speciale të RENEA-s.Ende nuk dihet kur do të mbahet takimi mes minatorëve dhe kompanisë austriake ACR për zgjidhjen e kërkesave të minatorëve dhe të tërë situatës së rënduar, ndërsa afro 700 minatorët e tjerë kërcënojnë t’i bashkohen grevës së urisë.