Arrestohen dy vëllezërit, kërcënuan në zyrë prefektin e Vlorës

Fri 23 Sep 2011 - 21:40

Vlore – Lajmifundit – Arrestohen nga policia dy personat që kërcënuan sot prefektin e Vlorës në zyrën e tij. drejtoria e policisë së qarkut Vlorë njoftoi se me datë 23 shtator 2011 rreth orës 15:30 nga Seksioni I Hetimit dhe Parandalimit të Krimit në Komisariatin e Policisë Vlorë u bë arrestimi në flagrancë I shtetasve Ilir Kastriot Limushaj, vjec 26, lindur e banues në Vlorë në lagjen “Uji I Ftohtë”; Erjon Kastriot Limushaj, vjec vjec 21, lindur e banues në Vlorë në lagjen “Uji I Ftohtë”.Sipas policisë, arrestimi I këtyre shtetasve (vëllezër) u krye për arsye se diten e sotme pas një debati të çastit rreth orës 10:30 në ambientet e prefekturës së Qarkut Vlorë kanë kanosur Prefektin e Qarkut Vlorë, kanë goditur punonjësit e prefektures si dhe kanë dëmtuar sende të ndryshme.Materialet procedurale i janë referuar Prokurorisë së Rrethit Gjyqësor Vlorë për veprat penale “Goditje për shkak të detyrës”, dhe “Kanosja për shkak të detyrës” të kryera në kushtet e bashkëpunimit parashikuar nga nenet 237, 238, dhe 25 të Kodit Penal.