Arian Çani ikën nga emisioni “Shqip”: Më kërcënuan familjen me vendosje bombe

Tirane - Lajmifundit - Gazetari Arian Çani denoncoi sot në mbrëmje ato që i konsideroi kërcënime në adresë të familjes së tij. drejtuesi i emisionit “Zone e

Lire” i cili ka qenë i ftuar sot në mbrëmje në një emision debati politik në Top Channel, të drejtuar nga Rudina Xhunga, ka pohuar se është larguar nga ai emision në mënyrë të detyruar.
Arian Çani deklaroi pak çaste më parë se ndërsa ndodhej në studion e televizionit Top Channel nga të afërmit e tij ishte njoftuar në telefon se familja e tij ishte kërcënuar me vendosje bombe.
“Unë isha në emision dhe ndërsa po flisja, mora një mesazh në celular. Më thanë se familjen time e kishin marrë në telefon dhe u kishin thënë do t`ju vendosim bombë në shtëpi për ato që po thotë djali juaj në ekran”, tha gazetari Arian Çani.
Pas largimit nga emisioni në Top Channel dhe pasi ka marrë kontakt me të afërmit e tij, Arian Çani e bëri këtë deklaratë për median në studion e Abc Nevvs.