Plagos gruan e kërcënon me armë krushkun, arrestohet polici i burgut 313

Fri 30 Sep 2011 - 15:22

TIRANE – Lajmifundit – Një efektiv i policisë së burgut 313 që ka dhunuar gruan e tij është arrestuar nga Komisariati i Policisë Nr.3 Tiranë. Burime nga ky institucion thanë se është kryer arrestimi në flagrancë i shtetasit Alfred Kol Ndreca, 49 vjec, banues në Tiranë, me detyrë punonjës policie në Burgun 313 Tiranë.Arrestimi i tij u krye sepse mbrëmë rreth orës 21.00’, në banesën e tij, për motive të dobta ka kërcënuar dhe më pas e ka plagosur lehtë me mjete të forta bashkëshorten e tij 32 vjecare.Pas konfliktit me bashkëshorten e tij, ka qëlluar me armë në ajër në oborrin e banesës së krushkut të tij.Në cilësinë e provës materiale u sekuestrua arma e shërbimit. Materialet i kaluan Prokurorisë së Rrethit Gjyqësor Tiranë për veprat të Kanosjes dhe Prishjes së rendit e të qetësisë publike, parashikuar nga neni 84,89 dhe 274 të Kodit Penal.