“X Factor” mund të shkaktojë probleme mendore

Sat 1 Oct 2011 - 14:29

Shfaqa “X Factor” mund të shkaktojë probleme mendore. Ky është paralajmërimi që bëjnë përfaqësuesit e organizatave të shëndetit mendor. Në Britaninë e Madhe por edhe në Shtetet e Bashkuara të Amerikës kjo është ndër shfaqjet më të shikueshme e më të rëndësishme por është akuzuar se mund të rrezikojë të dëmtojë shëndetin mendor të pjesëmarrësve. Shefja ekzekutive e fondacionit për shëndetin mendor Marjorie Wallace thotë se kjo lloj shfaqjeje po luan me nervat dhe mendjet e njerëzve. “Është thuajse si kushtet eksperimentale në të cilat vihen kafshët për të provuar reagimet e tyre ndaj përdorimit të dhunës që do ti bënte të çmendeshin. Këto shfaqje televizive janë në njëfarë mënyrë eksperimente psikologjike ndaj pjesëmarrësve”, tha ajo.