Kriza ekonomike, godet më shumë personat me probleme mendore

• Kriza ekonomike që ka përfshirë Europën prej vitesh tashmë, ka patur një ndikim tejet negativ mbi personat me probleme të shëndetit mendor.

Burimi: Top Channel


Në këtë përfundim ka mbërritur hulumtimi i “King’s College” në Londër. Studimi vëren se kjo kategori është edhe më e prekur nga papunësia. Shifra e personave me probleme të shëndetit mendor që kanë humbur vendet e punës nga 2006 deri në 2010 është dy herë me e madhe se shifra e personave të tjerë që kanë humbur punën e tyre.

Papunësia mes kësaj kategorie është rritur nga 12.7 përqind në 18.2 përqind dhe përgjithësisht janë prekur meshkujt dhe personat me nivele të ulta arsimimi.

Studimi paralajmëron se përjashtimi shoqëror i kësaj kategorie përkeqëson situatën dhe rrit shanset për veprime të dhunshme deri edhe ekstreme.

Në studim u morën të dhëna nga 20 mijë persona nga 27 vendet e Europës.

Eshte e pamundur te mos prekesh nga nje krize globale, aq me teper kur jemi nje vend qe importojme nga keto vende. Duke qene se ne jemi nje vend qe me shume importojme sesa eksportojme.
Per sa i perket dites se sotme kemi par plot raste si nje me arsim te ulet po ashtu edhe nje person me arsim te larte te jeni te papune.
Per mua ndryshimi i vetem eshte sepse nje person qe ka nje pozicion ne jete mund te rigjeje pune serish per pak kohe,ndersa dikush me probleme mendore do ta kete shume te veshtire.