Dokumenti sekret, njësi speciale për të vrarë armiqtë e Rusisë

Shërbimi sekret rus ka urdhëruar krijimin e një njësie speciale për të eliminuar njerëz që ndodhen jashtë vendit e që gjykohet se janë armiq të shtetit. Një dokument i cili nuk ishte parë më herët i firmosur nga shefi i shërbimit inteligjent FSB katër vite më parë i referohet specifikisht personave që jetojnë në Bashkimin Evropian. Dokumenti që mban datën 19 mars 2003, duhet të jetë shkruar katër vite përpara se sa të vritej ish-agjenti rus Alexander Litvinenko në Londër. Afati që i ishte vendosur kësaj njësie për të nisur nga puna ishte 1 maji i vitit 2004. Dokumenti që i është dhënë “Daily Telegraph” mendohet se ka qenë pjesë e një hetimi të Scotland Yard pas vdekjes së Litvinenkos. Rusia e ka përsëritur se Andrei Lugovoi, ish bodiguard në KGB, personi që dyshohet për këtë çështje nuk do të ekstradohet kurrë në Britani.