Njësitë speciale, në Veri

Wed 24 Aug 2011 - 14:01

Rreth 40 automjete të Njësisë Speciale të Policisë së Kosovës kanë hyrë të mërkurën në mëngjes në veri të vendit në drejtim të dy pikave kufitare, përkatësisht në Jarinje dhe Bërnjak.Bëhet fjalë për aksionin e policisë që parashikon arrestime të mundshme lidhur me vrasjen e policit të Njësisë Speciale, Enver Zymberi, por edhe të atyre që dogjën pikën kufitare Jarinje.
“Bashkë me automjetet e Policisë së Kosovës janë parë edhe forca të shumta të KFOR-it të cilat kanë shkuar në mëngjes në drejtim të pikës kufitare Jarinje”, pohojnë burimet, të cilave u referohet Kosovapress.Sipas të njëjtave burime, serbët tashmë janë duke u organizuar për kthimin e barrikadave në pika të ndryshme, ndërkohë që situata në veri po tensionohet.EULEX: Një i dyshuar për vrasjen e policitHetimet e misionit evropian për rastet e fundit në veri kanë sjellë rezultat. Prokurorët kanë arritur të identifikojnë dhe të mbledhin prova për të dyshuarit kryesorë në dy incidentet më të mëdha që kanë pasuar dërgimin e njësitit special të Policisë së Kosovës në pikat kufitare 1 dhe 31 më 25 korrik.Prokurorët kanë prova si për të dyshuarit në vrasjen e policit Enver Zymberi, po ashtu edhe për djegien e portës kufitare numër 1.Burime brenda EULEX-it, të cilave u referohet Telegraf, kanë konfirmuar rezultatet dhe kanë shpjeguar se një person është i të dyshuari kryesor që ndërlidh të dyja rastet.

Rudarë, serbët heqin një pjesë të barrikadës

Përfaqësuesit e serbëve të veriut kanë marrë vendim që të heqin një pjesë të barrikadës në fshatin Rudare, bllokadë kjo që prej një muaji po e mban të bllokuar rrugën për në pikën doganore 1 në veri të vendit.

Këtë vendim të shtabit të të ashtuquajturave komuna serbe në veri të vendit e ka konﬁrmuar Oliver Ivanovic, sekretar shtetëror në Ministrinë për Kosovën në Qeverinë serbe.

Ndonëse për këtë vendim nuk ka asnjë informacion as KFOR-i dhe as Policia e Kosovës, Ivanovic, sipas Telegraf, ka thënë se ky vendim është marrë nga komunat veriore, të cilat kanë dashur të tregojnë se janë pro zgjidhjes së situatës me anë të dialogut.