Krim në familje në Tiranë, djali vret babain me çifte në Shëngjergj

TIRANE – Lajmifundit – Djali vret babain me çifte në periferi të Tiranës. Ngjarja e rëndë ka ndodhur në Shëngjergj të Tiranës.
Policia ka njoftuar se shtetasi 16-vjeç me iniciale L.Muça pas një grindje brenda familjes, ka vrarë nga pakujdesia me një armë gjahu, babain e tij, shtetasin Kujtim Muça, 43 vjeç.

I riu mesohet se ka qene duke trembur babain ndersa ishin ne konflikt, por ne kete kohe arma ka shkrepur duke shkaktuar vrasjen.

Në vendngjarje kanë shkuar forcat e policisë të cilat kanë arrestuar 16-vjeçarin. Hetuesit thanë se në cilësinë e provës materiale u sekuestrua arma e gjahut teke e kalibrit 12 mm, me nr. 0185, se bashku me një gëzhoje, me të cilën është kryer krimi dhe të posedonte pa leje.
Policia bën të ditur se materialet në ngarkim të tij i kanë kalaur prokurorisë së Rrethit Gjyqësor Tiranë për konsumim të veprës penale të “Vrasjes nga pakujdesia”.
Ky është krimi i dytë i rëndë në familje që ndodh brenda pak ditësh pasi një 72-vjecar ekzekutoi me sëpatë djalin e tij në Pogradec tri ditë më parë. Shtetasi 72-vjecar Njazi Kromollari goditi më sëpatë të birin Kudret Kromollari. Vrasja ndodhi pasi djali shkonte i dehur në shtëpi dhe dhunonte të dy prindërit.