Aktorja iraniane dënohet me një vit burg e 90 goditje kamxhiku

Mon 10 Oct 2011 - 21:44

Aktorja iraniane Marzieh Vafamehr është dënuar me një vit burg dhe 90 goditje me kamxhik për shkak të rolit të saj në një film që duket se ka kaluar limitet që i lejon republika islamike. “Verdikti është dhënë për Marzieh Vafamehr me një vit burg dhe 90 goditje”, raportohet nga një ëebsite opozitar Iranian. Avokatët e saj kanë apeluar vendimin e dhënë të dielën nga gjykata por nuk jepen detaje të tjera. Vafamehr ishte arrestuar në muajin korrik pas shfaqjes së saj në filmin “My Tehran for Sale”, film që u pasua nga një numër i madh kritikash në qarqet konservatore. Filmi i prodhuar në Australi tregonte historinë e një aktoreje të re nga Teheranit e cila ishte ndaluar nga autoritetet të luante në teatër. Ajo ndërkaq ishte detyruar të bënte një jetë secrete me qëllim për të shfaqur pasionin e saj artistik. Filmi nuk ishte miratuar për tu shfaqur në Iran por hyri atje ilegalisht dhe u konsumua publikisht.