Francezja më e pasur humb kontrollin mbi pasurinë

Trashëgimtarja e L’Oreal, francezja Liliane Bettencourt, 88 vjeç, humbet kontrollin mbi pasurinë e saj për shkak të gjendjes mendore. BBC thotë se një gjykatës francez ka vendosur që ajo të jetë nën kontrollin e familjarëve të tjerë. Bettencourt ka një pasuri prej 16 miliard euro. Avokatët e saj thanë se janë tepër të zhgënjyer nga vendimi.
Tani kontrollin mbi pasurinë e ka e bija, që ka qenë e përfshirë në një përplasje të ashpër me mamanë. Ajo argumentonte gjithmonë se mamaja nuk ishte në gjendje të menaxhonte pasurinë. Kurse Liliane kërcënoi se do largohej nga Franca nëse do ta vendosin nën kontrollin e së bijës. Sipas saj, nën kontrollin e së bijës ajo do ndjehej si e mbytur.