Rikuperohen pikturat e vjedhura të Picasso

Dy piktura të vjedhura të Pablo Picassos u rikuperuan në kryeqytetin e Serbisë, Beograd dhe do t’i rikthehen muzeut të Hanoverit në Gjermani, u lajmërua gjatë të mërkurës.Mrekullitë e realizuara me bojra uji, të quajtura “Koka e Kalit” dhe “Gota e Shtamba”, u grabitën gjatë një ekspozive në qytetin zviceran të Pfaefikonit, pranë Zyrihut, në vitin 2008.Sipas asaj që raporton BBC, nuk është ende e qartë se si u zbuluan dy pikturat apo nëse grabitësit e tyre janë arrestuar. Megjithatë, raportimet e deritanishme të mediave vendase nuk flasin për të vendosur nën pranga.Zvicra kishte lëshuar një urdhër ndërkombëtar kërkimi nëpërmjet Interpolit, për pikturat që vlerësohen rreth 4,3 milion dollarë.