Rebelim në Harvard: Ti profesor shkaktove krizën botërore!

Kriza po përhapet me shpejtësi nga SHBA, në Europë e deri në Mongoli. Mijëra njerëz kanë dalë në rrugë pas shembullit që dhanë njujorkezët në përpjekje për të ‘pushtuar Uoll Stritin’.

Tani protesta ka kapluar edhe Harvardin. Rreth 70 studentë kanë lënë mësimin gjatë lëndës që jep Greg Mankiw, duke e akuzuar atë se ka luajtur një rol kyç në krizën që po kalon sot bota me idetë e tij konservatore. Studentët thonë se ai ka influencuar mbi ata që u ka dhënë mësim. Siç dihet, theksojnë studentët, ata që kanë dalë nga Harvardi kanë zënë pozicione kyçe në politikën dhe financat botërore. Studentët ankohen se profesori i tyre, me mësimet që ka dhënë, ka nxitur pabarazitë në shoqëri.

Mankiw është një nga ekonomistët më në zë në botë. Ai ka qenë këshilltar i presidentit Bush, tani këshillon Mit Romnin.