Lady GaGa triumfon në MTV EMA Awards 2011

Tue 8 Nov 2011 - 1:10

Super ylli amerikan Lady GaGa në Belfast ka konfirmuar statusin e saj si zonja e parë e Pop muzikës në “MTV EMA Awards 2011”, duke fituar katër çmime në evenimentin që mblodhi së bashku të gjitha yjet botërore në Arenën Odisea të kryeqytetit të Irlandës së Veriut.

Ajo triumfoi në kategoritë Këngëtarja më e mirë femër (Best Female), Kënga më e mirë (Best song), Video më e mirë (Best Video), dhe në kategorinë e Artisti me më shumë adhurues (Biggest Fan.

Justin Bieber, Bruno Mars dhe grupi “Thirty Seconds to Mars” fituan nga dy çmime secili.

Këngëtari i ri dhe Pop fenomeni, Justin Bieber mori çmimin për Këngëtari më i mirë mashkull (Best Male) dhe Artisti më i mirë në Pop (Best Pop).

Bendi amerikan “Thirty Seconds to Mars” mori çmimin në kategorinë e Artistët më të mirë alternativ (Best Alternative), dhe Performanca më e mirë në World Stage (Best World Stage), ndërsa Bruno Mars u kurorëzua në kategoritë e Best Push dhe Këngëtarit më të mirë të ri (Best New).