Polici në burg, përdori banjon e presidentit

Sun 27 Nov 2011 - 21:56

Për oficerin e policisë Alois Mabhanu këto tre javë kanë qenë të vështira. Ai është burgosur për shkak se pa dashje ka bërë nevojën në një banjo, ku duhej të shkonte presidenti i Zimbabveve Robert Mugabe.

Mabhanu, detektiv i skuadrës së vrasjeve, kishte nevojë urgjente të shkonte në banjo. Ai ndodhej në një panair tregtie. Me urgjencë u fut në banjon e parë që i doli përpara.

Por gabimisht ishte futur në banjon ku ishte planifikuar të shkonte Mugabe nëse do kishte nevoja. Të nesërmen ai u arrestua. Grupet për të drejtat e njeriut kanë protestuar, por për regjimin stalinist të Zimbabveve, ky nuk është ndonjë problem i madh.