Pesë vite në Mars në vetëm 167 sekonda

Mon 28 Nov 2011 - 13:23

Rover Spirit shëtiti në planetin e Marsit për pesë vite, tre muaj dhe 27 ditë. Hulumtoi dhe zbuloi këtë planet interesant derisa nuk u zhyt në një baltë të thellë, duke përfunduar kështu “jetën” e vet të shkurtë. Por ajo që xhiroi tash mund të shihet nga tërë njerëzit në Tokë.
Vitet e punës së Rover Spirtit, NASA arriti t’i bëjë bashkë në një video xhirim i cili zgjatë 167 sekonda, në të cilën janë përfshirë gati 3.500 fotografi, të cilat Spirit i ka bërë me kamerën e vet të përparme.
Shikuesit kanë mundësi që në më pak se tre minuta të shohin shëtitjen e Roverit, prej fillimeve të veta më 2004 deri te fundi i pafat më 2009.
Në xhirim mund të shihet sipërfaqja e pajetë e Marsit, e cila dominohet nga shkëmbinjtë dhe krateret. Video është postuar në YouTube me titull “Mars Rover’s Spirit Entire Journey on Mars”, ndërsa për vetëm disa ditë këtë video e kanë parë dhjetëra mijëra njerëz.