Pogradec, vrau të dashurën me çekiç, 14 vjet burg 60-vjecarit

POGRADEC- 14 vite burg është dënimi ndaj 60-vjecarit që masakroi me çekiç të dashuren e tij në një motel. Vendimi është dhënë nga gjykata e Pogradecit, ndërkohë që prokuroria kishte kërkuar 20 vite burg. Gjatë seancës autori Halim Hykollari është shprehur i penduar për vrasjen e 35-vjecares, Mirela Spahiu nënë e 3 fëmijëve.
Ngjarja shokuese ndodhi në një hotel në periferi të Pogradecit në 29 Qershor, kur 60-vjecari Hykollari masakroi nënën e 2 fëmijve për motive xhelozie.

KRIMI
Krimi ndodhi në një nga dhomat e hotelit në periferi të qytetit, me pronar Teki Hallkon. Ka qenë ky i fundit që ka zbuluar gruan e vrarë në krevat, duke lajmëruar dhe policinë. Ai ka rrëfyer gjithashtu se 35-vjeçarja Mirela Spahiu ka prenotuar një dhomë për disa ditë me argumentin se i duhej për disa të afërm që do të vinin nga Tirana. Sipas pastrueses së hotelit, "nga dhoma e prenotuar, në orën 12:30 të dy ditëve më parë ka dalë një person me një shenjë (nishan) në faqe". Kjo dëshmi ka ndihmuar dhe policinë për identifikimin e vrasësit dhe arrestimin e tij. "Nga kqyrja e kufomës rezulton se vdekja e 35-vjeçares, nënë e dy fëmijëve, përkatësisht dy vajzave, 12 dhe 6 vjeçe, ka ardhur si pasojë e goditjes me mjete të forta. Ajo është goditur në kokë dhe pjesë të tjera të trupit 6 herë me çekiçin e të dashurit të saj murator. Rezulton se shkak i krimit ka qenë këmbëngulja e viktimës për të ndërprerë lidhjen, pasi ajo kishte një të dashur tjetër", - theksuan pas vrasjes burimet e policisë. Nga të njëjtat burime mësohet se si autori, ashtu dhe viktima, ishin të dy të divorcuar dhe kishin së bashku lidhje intime prej tri vitesh.

(d.b/BalkanWeb)

Kesaj i thone te krijosh familje per mend te kokes!