Tiranë, rrëmbehet një person, shkak dyshohen borxhet

TIRANE - Policia e Tiranës dyshon se një person është rrëmbyer në afërsi të vendit të quajtur “Kafja e Rremës”, në kryeqytet.

Burime nga policia bëjnë të ditur se kanë marrë informacione për futjen me dhunë të një personi në një makinë tip “Wolksvagen”, rreth orës 17:15.

Nuk ka të dhëna të sakta për identitetin e personit të rrëmbyer apo autorët e mundshëm të ngjarjes.

Ndërkohë mësohet se bëhet fjalë për një 35-vjeçar, i cili rezulton të ketë probleme borxhesh. Policia ka marrë në pyetje bashkëshorten e personit të marrë peng, nga dëshmia e së cilës do të ngrihen edhe pistat e mundshme të hetimit.

Strukturat e policisë së komisariatit nr.4 janë vënë në lëvizje, për të zbuluar vendndodhjen e makinës, e cila është nisur në drejtim të Tufinës.

(er.nu/BalkanWeb)