Inis Gjoni sjell në jetë të bijën, i vendos emrin që i kishte zgjedhur Selimi

Ditën e djeshme ajo solli në jetë vogëlushen e saj, të cilën e priste me padurim.

Vajza lindi e shëndetshme dhe ndryshoi krejt botën e Inis Gjonit. Artistja e quajti të bijën Coco-Antonel, emër ky që ishte zgjedhur kohë më parë nga i ati i vogëlushes, i ndjeri Arjan Selimi, i cili u largua nga jeta pas një atentati pak muaj më parë.

Ardhjen në jetë të vogëlushes e kanë mirëpritur edhe familja e Arjanit, të cilët i kanë telefonuar Inisit nga Amerika për ta uruar.

Inisi është e lumtur që mban në duar engjëllin e saj të vogël, fryt i dashurisë së saj me bashkëshortin Selimi. Të afërmit thanë që vogëlushja i ngjan të atit, të cilin edhe pse nuk do ta njohë kurrë, ka trashëguar karakteristika të tij.