Elvana mohon operacionet dhe bëhet bionde

Ka udhëtuar sërish drejt Kosovës për të realizuar reklamën e re të një banke, imazh i së cilës është përzgjedhur pak kohë më parë, natyrisht kundrejt një pagese të majme.
Elvana Gjata ka bërë vetë me dije se aktualisht ndodhet në Prishtinë për një shërbim të ri fotografik dhe mesa duket, me këtë rast ka shfrytëzuar momentin për të ndryshuar edhe llok-un, pasi siç e shihni edhe në foto, është bërë bionde.
Prej kohësh, këngëtarja e hitit “Afër dhe larg” ka tentuar të jetë më pak brune se zakonisht dhe e ndikuar edhe nga tendencat e modës së VIP-ave botërorë, si Beyonce, Jennifer Lopez etj., ka dashur t’u ngjajë disi atyre. E sigurt është që sido që të provojë me look-un, Elvana duket bukur, kështu që edhe bionde na pëlqen, si gjithmonë.
Këngëtarja seksi që këto kohë pritet të nxjerrë videoklipin “bombë” të këngës së saj më të re, “Gjaku im”, së fundmi është “akuzuar” nga disa media për ndërhyrje kirurgjikale në fytyrë, gjë që Elvana e ka mohuar me gojën e saj, duke thënë në mënyrë telegrafike: “Jam e kënaqur me mënyrën sesi dukem!”