Djali që jeton me gjysmë zemre

Një djalë i vogël britanik, i quajtur Sammy Hori, është konsideruar nga mjekët si një “mrekulli mjekësore”, pasi ai jeton normalisht shtatë vjet pasi lindi me gjysmën e zemrës, bëri të ditur “The Sun”.Si pasojë e një keqformimi, djali kishte vetëm një barkushe të zemrës dhe doktorët prisnin që ai të jetonte vetëm disa ditë.Megjithatë, pas tre operacioneve me rrezikshmëri të lartë, Hori është tashmë në gjendje që të vrapojë, ashtu si të gjithë moshatarët e tij.Nëna e tij, 41-vjeçarja Eileen, deklaroi: “Është e pabesueshme t’a shohësh duke luajtur futboll me miqtë e tij, ndërsa askush nuk priste që të jetonte më shumë se një javë.Pas skanimit të bërë pas lindjes, kardiologu deklaroi se ishte keqformimi më seriozi që kishte parë ndonjëherë dhe se nuk kishte shanse që djali ynë të jetonte përtej disa ditëve”.Me kalimin e ditëve, në mënyrë të pabesueshme, gjendja nisi të përmirësohej dhe mjekët nisin të planifikonin një ndërhyrje që nuk ishte realizuar kurrë më parë në historinë e mjekësisë.Operacioni i parë kur ishte vetëm gjashtë javësh, u pasua nga dy të tjerë dhe Sammy është tani një djalë si të gjithë të tjerët. “Ai bën një jetë normale dhe i pëlqen të luajë futboll e të notojë”, deklaroi nëna e tij.