Tre gra në polici kërkojnë ndihmë: Po rrihemi nga burrat

Durrës, 4 janar 2012, NOA- Tre gra nga qyteti i Durrësit janë drejtuar në dyert e policisë për të kërkuar ndihmë pas dhunës së pësuar.

Burime zyrtare nga policia thanë për agjencinë e lajmeve NOA.al, se një 28-vjeçare, banuese në Durrës, pretendon se ndaj saj ka ushtruar dhunë fizike e psikologjike bashkëshorti i saj, 35 vjeçari me iniciale S.B., banues ne Xhafzotaj Durrës.

Një tjetër rast denoncimi ka ardhur nga një 44 vjeçare po nga Durrësi e cila pretendon se djali i bashkëshortit të saj, 24 vjeçari me iniciale S.C, ka ushtruar dhunë fizike e psikologjike ndaj saj.

Rasti i tretë është ai i një 31-vjeçareje, nga i njëjti qytet e cila pretendon se bashkëshorti i saj, me iniciale I.R., 39 vjeç, banues në Durrës, ka ushtruar dhunë fizike e psikologjike ndaj saj.

Pas padisë së ngritur nga tre gratë e moshave të ndryshme por me problem të njëjtë, nisën procedimet penale për abuzuesit, ndërsa vetë ato u morrën në mbrojtje.

a.y/NOA

pffffffff me vjen p er te vjell njerez te semure