Suedi, lind feja e kopjimit

“Besoj në shumëllojshmërinë e informacionit, i shenjtë dhe për të gjithë, besoj tek kopjo dhe ngjit, tek shkëmbimi i lirë i muzikës, video dhe dokumentave”.

Në Suedi ndarja e materialeve në rrjet është fe, tashmë e njohur zyrtarisht nga qeveria. Vendimi ka ardhur pas një beteje të gjatë mes autoriteteve, mbrojtësit e të drejtës së autorit dhe Missionary Church of Kopimism (Kisha Misionare e Kopjimit).

Shkarkimi nga interneti është tashmë një veprim fetar, të paktën në Suedi. Në mënyrë paradoksale, shkarkimi dhe shkëmbimi i file në web mbetet e jashtëligjshme.

Ka zgjatur dy vjet beteja për shpalljen e fesë së re dhe disa tentativa nga themeluesit, por Kopimism lindur në 2010 është shndërruar në një fe, jo më një sekt i thjeshtë.

Simbolet e shenjta të kultit nuk mund të mos ishin Ctrl+C dhe Ctrl+V kombinimi i tasteve të veprimeve kopjo dhe ngjit. Besimtarët e kësaj feje janë që tani disa mijëra, numri i tyre me siguri do të jetë në rritje pas vendimit të autoriteteve suedeze.

Zyrtarizimi ka ardhur që përpara Krishtlindjeve, ka deklaruar Isak Gerson, student filozofie, nismëtar i iniciativës dhe kryetar i Kishës së Kopjimit.

“Të kopjuarit është një gjë e shenjtë dhe e mirë pa diskutim”, - ka nënvizuar studenti - “Mendoj që tani shumë njerëz do të kenë kurajën të dalin haptazi, pasi shumë prej tyre kanë ende frikë sepse kopjojnë apo shkarkojnë këngë”.

Si për çdo fe, edhe në këtë rast nuk mungojnë urdhëresat, për Kishën e Kopjimit informacioni është i shenjtë dhe kopjimi është një urdhëresë.
“Informacioni është një vlerë, në vetvete dhe për atë çka përmban dhe vlera e tij shumëfishohet nëpërmjet kopjimit”.

(ar.si/BalkanWeb)