Vetëm 10 vjec, publikon foton nudo në Facebook

MILANO – Është vetëm 10 vjec, por kjo se ka penguar të pozojë nudo në aparatin fotografik dhe ta publikojë foton në Facebook. Dhe për më tepër, profili i saj në rrjetin social, Facebook ishte i hapur jo vetëm për miqtë e saj, por për këdo.

Kjo është historia e D.C.I. banuese në Lazi, vetëm 10 vjec, bëjnë të ditur mediat italiane. Vogëlushja është mbyllur në banjo dhe ka shfrytëzuar pasqyrën për të marrë poza sic bëjnë divat, si ajo e Skarlet Xhonson pak muaj më parë, fotot e së cilës u përhapën shpejt në sajtet online.
Shumë vizitorë të profilit të saj u shokuan dhe i shkruajtën që ta heqë foton, por përgjigja ishte edhe më e papritur nga 10-vjecarja, “Nëse e heq përfundon këtu shakaja”.

Policia postare pasi vërejti për veprimin, vendosi të bllokojë menjëherë faqen e vogëlushes. Por, e keqja qëndron se fotoja qëndroi online pak kohë dhe se vajza mund të bëhet pre e ngacmimeve të pedofilëve dhe jo vetëm, ndërsa vihet në pikëpyetje qëndrimi i prindërve për kontrollin ndaj fëmijës së tyre. Ende pa zbuluar mbetet qëllimi i vajzës për publikimin e fotos në Facebook.

Ndërkaq një problem i lindur tashmë sesi Facebook mund të përdoret nga miturit. Kur regjistrohesh kërkohet të bëhet e ditur mosha, madje ky rrjet social të ofron mundësinë për të mos i bërë të dukshme tek profili as datën e lindjes apo vitin. Gjithsesi në rastin e Facebook nuk ka limite, dhe kjo vihet re dendur dhe në publikimin rëndom të fotove me foshnja të zhveshura.

(pershtati d.bonollari/BalkanWeb)

degjenerim