Alkooli: Droga e pestë më e rrezikshme

Cigaret dhe alkooli janë më të rrezikshme akoma dhe se ekstazi, LSD dhe kanabisi. Të paktën këtë pohon shkencëtari i mirënjohur britanik David Nat i Kolegjit Imperial (Imperial College) në Londër. Shkencëtari i shquar kërkoi që të krijohej një sistem i ri klasifikimi për substancat narkotike, me qëllim që publiku I gjerë të kuptojë sa më mire dhe të krahasojë në mënyrë korrekte rrezikun që vjen nga substancat e ligjshme dhe të paligjshme. Denoncoi gjithashtu ndarjen “artificiale” të alkoolit dhe të duhanit nga substancat e paligjshme. Siç raportonte në një kërkim të tij për Qendrën e Studimeve Kriminalistke dhe Ligjit, prane King’s College, Londër, alkooli duhet të renditet në vendin e pestë të katalogut të ri të rrezikshmërisë, pas heroines, kokainës, barbituratet dhe methadonit. Duhani duhet të klasifikohet në vendin e nëntë, kanabisi në të njëmbëdhjetin, LSD në të katërmbëdhjetin dhe ekstazi në të tetëmbëdhjetin, domethene më poshtë se duhani dhe alkooli. Kriteret e rrezikshmërisë për renditjen përfshijnë:

· dëmtimin fizik tek njeriu

· shkallën e varësisë

· dhe dëmtimin social

“Askush nuk thotë që substancat narkotike janë të padëmshme”. “Pyetja më e rëndësishme ka të bëjë me klimakën dhe shkallën”, theksoi pedagogu Nat, i cili është Kryetar i Këshillit Konsultativ shtetëror për Abuzimin me Drogë, sipas Agjensisë Franceze dhe Times të Londrës. “Duhet te pranojmë se të rinjve u pëlqen të eksperimentohen me substanca narkotike dhe aktivitetete të tjera potencialisht të dëmshme… Prandaj dhe duhet t’ju ofrojmë informacionet më të sakta dhe të besueshme”, shtoi.