Refuzon të bëjë seks, rrihet egërsisht nga bashkëshorti

Mantova, 1 Shkurt 2012, NOA - E ka rrahur egërsisht dhe kjo pasi refuzoi të kryente seks.

Është marrë me shkelma e grushta duke përfunduar në spital me fytyrën plotësisht të ënjtur, ku prognoza i ka zgjatur 25 ditë.

Viktimë e këtij agresioni, siç raportohet për agjencinë e lajmeve NOA.al, një vajzë 21 vjeçare me origjinë nga Bangladeshi.

Ndërsa bashkëshorti, një 26-vjeçar dhe ai me origjinë nga i njëjti vend, është denoncuar për dhunën e ushtruar.

Pas gjithçkaje që ndodhi në banesën e tyre në Mantova dhe pas transferimit të vajzës në spital, bashkëshorti-padron vrapoi në spital për të verifikuar gjendjen e partneres së tij, por infermierët dhe doktorët nuk e lejuan atë ti afrohej bashkëshortes.

Aktualisht, vajza është çuar në një “strehim mbrojtës” dhe do të qëndrojë atje, pasi siç ka deklaruar dhe vetë, në shtëpi nuk ka ndërmend të kthehet.

r.b/NOA