Ministri Bumçi, “mik” te Presidenti për Shota Baraliun

Një gjë e tillë verifikohet në faqen e presidencës, në të cilën presidenti i vendit Bamir Topi ka dekretuar dhënien e nënshtetësisë shqiptare për këngëtaren
Këngëtarja Shota Baraliu ka marrë nënshtetësinë shqiptare. Dhe për një gjë të tillë ka futur mik ministrin e Turizmit, Kulturës, Rinisë dhe Sporteve, Aldo Bumçi. Një gjë e tillë verifikohet në faqen e presidencës, në të cilën presidenti i vendit Bamir Topi ka dekretuar dhënien e nënshtetësisë shqiptare këngëtares së njohur me këngët “flm për sms”, “polic” apo me këngën “pinky man”.

Këngëtarja kosovare e ka fituar nënshtetësinë që më datën 26 janar. Në njoftimin zyrtar thuhet se “në mbështetje të nenit 92, pika “c” dhe 93, të Kushtetutës, si dhe nenit 9, pika 7 dhe nenit 20 të ligjit nr. 8389, datë 05.08.1998 “Për shtetësinë shqiptare”, të ndryshuar, bazuar në propozimin e Ministrit të Turizmit, Kulturës, Rinisë dhe Sporteve, dekretoj: “I jepet shtetësia shqiptare me kërkesë të tij personit të mëposhtëm: Shota Azem Baraliu. Ky dekret hyn në fuqi menjëherë”./ikub.al/