Pas 5 vitesh arrati, tranvestiti fut në burg 31 vjeçarin

Mon 6 Feb 2012 - 23:32

Perugia, 6 shkurt 2012, NOA- Ishte shpallur në kërkim që nga nëntori i vitit 2007 kur Gjykata e Perugias kishte lëshuar ndaj tij një urdhër arresti, për trafik droge dhe plagosje.

Është kjo historia e 31 vjeçarit shqiptar Ernest Mici i cili u vu në prangat e policisë së Ceringolas në Itali për tregtim të lëndëve narkotike me pasoja të rënda.

Siç informon agjencia e lajmeve NOA.al, arrestimi ndaj tij erdhi pas hetimeve të policisë në Assisi pas shtrimit në spital në 9 gusht të vitit 2007 të një transeksuali brazilian 27 vjeçar për mbidozë nga kokaina.

Në sajë të hetimeve të forcave të rendit rezultoi se ai që i kishte shitur drogën tranvestitit ishte shqiptari Ernest Mici dhe për këtë u shpall në kërkim.

Por menjëherë pas ngjarjes dhe pasi shqiptari mësoi për atë që i kishte ndodhur klientit të rregullt të tij, mori arratinë për tu prangosur tashmë që ai mendonte se ishte harruar historia, 5 vite më pas.

a.y/NOA