Gjykata Urdhëroi Burrin Ta Ftojë Gruan Në Darkë

Sat 11 Feb 2012 - 23:27

Gjykatësi amerikan John Hurley urdhëroi Joseph Bary (47 vjeçar) që ta ftojë bashkëshorten e tij Sonja (39 vjeçare) në një darkë romantike dhe t’i blejë lule, e më pas të shkojnë së bashku të luajnë Bowling. Ky vendim pasoi pasi që Joseph është akuzuar për dhunë familjare.

Joseph është akuzuar se gjatë një sherri kishte shtrënguar bashkëshorten për fyti dhe e kishte shtyrë në divan. Sherri plasi pasi Sonja kishte harruar tia urojë ditëlindjen Josephit.

Gjykatësi Hurley vlerësoi se kjo nuk është shkelje serioze, kështu që urdhëroi Josephin që ta ftojë bashkëshorten për darkë. Nëse nuk e respekton urdhrin e gjykatës, Josephin e pret burgu.

“Josephi së pari duhet t’i blejë lule bashkëshortes rrugës për në shtëpi. E më pas do të bëhet gati për të dalë në darkë dhe ta ftojë bashkëshorten për një mbrëmje romantike në restorantin Red Lobster, e më pas të dy duhet të shkojnë të luajnë Bowling”, deklaroi gjykatësi Hurley.

Çifti nga Florida po ashtu duhet të kërkojë ndihmë në një këshillimore martesash. /Telegrafi/