David Beckham: Kam Vetëm 3 Miq, Fëmijët E Mi

Beckham zbulon anën negative të famës së tij. Ish-ylli i Real Madridit që është zhvendosur në Los Angeles ka thënë se me kalimin e viteve rrethin prej 20 miqve e ka ngushtuar në vetëm tre “miq të vërtetë”. Tani për tani, me gruan Victoria dhe katër fëmijët e tyre kjo i mjafton për të qenë i kënaqur. Në një intervistë për revistën amerikane “Men’s Health”, Beckham tha se “kam pasur shokë në shumë klube ku kam luajtur, por familja është gjëja më e rëndësishme për mua. Kështu edhe do të jetë përgjithmonë. Kam gruan, kam katër fëmijë, prindërit dhe gjyshërit, ashtu sikurse edhe tre miq vërtetë të mirë. Vetëm këta më duhen. Do të doja më mirë të kisha tre miq të ngushtë sesa 20 të mirë”. Beckham nuk ka sqaruar se cilët janë miqtë e vërtetë të tij, por është e sigurt që David kalon shumë kohë me aktorin Tom Cruise, i cili jeton afër tij në Los Angelos.